Actualidade

BUSCAR...

Limpar
08/02/19 | 18:12
A Xunta e o Institute of Fine Arts asinan un convenio para celebrar en Nova York no 2020 un simposio internacional único sobre o Camiño

O documento asinado inclúe a proposta de elaborar unha publicación actualizada en inglés como resultado da celebración deste encontro

Feijóo avanza que o simposio, que estará coordinado por dous estudosos da talla de Robert A. Maxwell e Manuel Castiñeira, abordará as diferentes maneiras nas que as rutas xacobeas foron permeables á creación de ideas, soños e historias

“Estamos a falar dun encontro ao que se invitará a especialistas en todos os campos –en historia da arte, literatura, folclore e historia-”, di, subliñando que as conclusións serán de grande utilidade no plano académico e tamén humanista

Feijóo anima a avaliar como podería trasladarse o espírito do Camiño á humanidade dos nosos días, “porque se fomos os primeiros en derribar os muros que illaban aos europeos do pasado, agora queremos estar cos que cren que a defensa do propio non se fai separando, senón unindo”

08/02/19 | 17:21
Feijóo promociona Galicia como un lugar estable no que investir e un destino turístico único coa celebración do Xacobeo 2021

Esboza unha Galicia que crece máis que España e que está a reducir o desemprego tamén en maior medida, grazas en parte a súa capacidade internacionalizadora, batendo en 2018 novamente o seu récord de exportacións

Sinala que as empresas galegas son hoxe máis conscientes que nunca da necesidade de innovar para ofrecer un produto diferenciado: “Por iso, tanto a industria como a Xunta estamos a potenciar a innovación”, di

Avoga por intentar regular mellor a globalización, un fenómeno dificilmente reversible, que abarca a economía pero tamén a cultura, a comunicación e a política
 

06/02/19 | 16:29
Feijóo expón as capacidades económicas do tecido industrial galego nunha Galicia estable e cun clima favorable para o emprendemento

Avala a capacidade de adaptación e de innovación das empresas galegas do contract, como proba a elevada internacionalización do sector, que chega ao 80% nalgúns casos

Lembra que é en Galicia onde se atopa a sede da primeira multinacional téxtil do mundo; ou onde se construíron os jackets que se están a empregar nos primeiros parques eólicos mariños do mundo situados en augas de Alemaña e o Reino Unido

Incide nas calidades do sector naval, da aeronáutica ou do sector agroalimentario, nos que Galicia ten gran experiencia e potencial

Salienta que no turismo, a Comunidade está a apostar por unha fórmula que combina cultura, acougo e dose de espiritualidade a través do Camiño de Santiago, primeira ruta de peregrinación europea

Recalca que o ano Xacobeo 2021 supón unha eclosión de iniciativas que implican a toda a comunidade e non só á hostalería; e anima aos integrantes da Cámara de Comercio de España en Miami a promocionar Galicia

06/02/19 | 09:40
Feijóo explora co alcalde do Condado de Miami-Dade novas vías de intercambio comercial en sectores como o turismo, o contract e o aeronáutico

Traslada ao rexedor que un dos motivos fundamentais desta viaxe é comezar a promocionar no mercado de Estados Unidos o principal evento turístico que vai ter Galicia e o conxunto de España nos próximos anos: o Xacobeo 2021

“Interésanos moitísimo que os portos galegos poidan ser escala do turismo de cruceiros que nace en Miami ou que pasa por este Condado”, di e destaca ademais as posibilidades que o mundo do cruceiro ten para o naval galego

Avala o potencial de Galicia no ámbito do contract e constata as posibilidades que existen en Miami tanto no ámbito residencial, como no contract hospitalario ou nas cadeas hoteleiras, en continua renovación das súas instalacións

O alcalde do Condado de Miami-Dade incide no interese de profundar nas relacións tanto no eido comercial como cultural e turístico. “Nós estamos moi interesados no Camiño de Santiago pero tamén nas industrias que ten Galicia”, di

Carlos A. Giménez trasladou o desexo de ter máis reunións durante a súa viaxe que realizará a Europa, no mes de xuño

O presidente do Goberno galego rematou a xornada cun encontro coa comunidade galega de Miami, no que reivindicou o papel dos galegos do exterior como embaixadores dunha Galicia aberta, que sabe ser hospitalaria, acollendo aos peregrinos que chegan a Santiago desde todos os lugares do mundo
 

04/02/19 | 16:32
Feijóo traslada aos novos directivos de PSA o compromiso de continuar traballando xuntos para que Vigo siga a ser unha das fábricas de maior competitividade de Europa e de España

Lembra que a Xunta está a acompañar ao sector e a PSA no eido da innovación e da formación tanto de empregados novos, como na formación continua dos máis de 4.500 empregados da factoría de Balaídos de cara a fabricación de novos modelos

Sobre a subestación, di que esta demanda foi incluída polo Goberno de Rajoy, dentro dos investimentos entre os anos 2015 e 2020, e ratificado polo actual. “Polo que entendemos que este Goberno ten que proseguir con este compromiso”, di

Incide en que o encontro serviu, en definitiva, para ratificar a colaboración entre PSA e Xunta, co obxectivo de seguir impulsando un sector estratéxico para Galicia, que produce o 15% de vehículos que se fabrican en España
 

04/02/19 | 14:57
Feijóo cualifica de “inaceptable” que Galicia teña o peor presuposto do Estado desde hai 17 anos, cun investimento que baixa un 30% na Comunidade fronte a unha suba do 57% en Cataluña

“Resulta obrigado trasladar a enorme decepción dos Presupostos Xerais do Estado con Galicia”, di, referíndose tamén a Santiago e á súa comarca, onde o Enlace Orbital cae das contas do Goberno central, cando o proxecto xa está entregado e finalizado

Avanza que a Xunta instará a presentar nas Cortes as emendas aos PXE “para poñer, como mínimo, o que estaba previsto nas anualidades de 2019, nos presupostos anteriores do ano 2018”

Sobre a variante de Aradas, resalta que, esta vía de altas prestacións libre de peaxe e que se pon en marcha seis meses antes do previsto, mellorará a competitividade do polígono do Tambre

Lembra que, en plena crise económica, a Xunta puxo en servizo máis de 210 quilómetros de vías de altas prestacións libres de peaxe
 

03/02/19 | 11:45
Feijóo iniciará a vindeira semana unha viaxe institucional a Miami e Nova York cunha marcada axenda económica e comercial e co obxectivo de reforzar os lazos turísticos de cara ao Xacobeo 2021

O responsable autonómico, xunto ao conselleiro de Economía, Emprego e Industria, estará acompañado, entre outros, por unha delegación galega formada por numerosas empresas do contract

A innovación, o talento e o investimento, serán os temas centrais dos foros e reunións que se celebrarán con empresarios estadounidenses

O titular do Goberno galego, o Clúster de turismo e os portos de A Coruña, Ferrol e Vigo visitarán a terminal de contedores e a terminal de cruceiros do Porto de Miami e celebrarán unha xuntanza coas principais compañías de cruceiros

Feijóo exporá as oportunidades de Galicia ante as cámaras de comercio de Miami e Nova York
 

31/01/19 | 19:21
Feijóo apela ao galeguismo integrador que mestura o propio e o común como modelo ante os falsos dilemas do presente

Recorda que o autonomismo galego, que ten como principal expoñente ao primeiro presidente da Xunta, non sacrifica a diversidade de opinións dos galegos en aras dunha nacionalidade uniforme, senón que as integra e respecta

Subliña que este modelo propio seguímolo perfeccionando: “Esixindo o que nos pertence, denunciando agravios cando se producen, aportando ideas á gobernación do Estado e tecendo lazos coas comunidades veciñas”

31/01/19 | 15:32
A Xunta autoriza a extensión do modelo de autobús compartido para garantir a mobilidade no medio rural

Feijóo destacou como novidade que a integración do transporte escolar realizarase en función dos centros educativos
 

31/01/19 | 15:27
Galicia presenta a Estratexia de cambio climático e enerxía co obxectivo de que a Comunidade sexa o antes posible neutra en emisión de gases de efecto invernadoiro

Feijóo salienta que Galicia é a terceira comunidade que máis está a reducir as súas emisións respecto ao ano 1990, e que o sector primario e o medio natural serán piares fundamentais da solución

“E apostaremos polo talento investigador e pola innovación na Comunidade para converternos nunha rexión exportadora de coñecemento”, asevera

Fixa que o obxectivo do Goberno galego é ter os documentos finais da Estratexia e do Plan Operativo en xuño de 2019
 

Xunta de Galicia

Xunta de Galicia. Información mantida e publicada na internet pola Xunta de Galicia
Atención á cidadania | Accesibilidade | Aviso legal | Mapa do portal

Turgalicia