Feijóo enxalza a colaboración de Galicia co pobo saharauí e salienta que en tres décadas deu acubillo a máis de 6.600 nenos Feijóo enxalza a colaboración de Galicia co pobo saharauí e salienta que en tres décadas deu acubillo a máis de 6.600 nenos
Vídeo da intervención do presidente

Feijóo enxalza a colaboración de Galicia co pobo saharauí e salienta que en tres décadas deu acubillo a máis de 6.600 nenos

Garante o compromiso da Xunta con esta iniciativa a través das distintas consellerías e de iniciativas como a atención primaria, a atención especializada e as prestacións farmacéuticas a todos os rapaces

Santiago de Compostela, 5 de setembro de 2019.- O presidente da Xunta, Alberto Núñez Feijóo, enxalzou hoxe a colaboración de Galicia co pobo saharauí e destacou que en tres décadas deu acubillo a máis de 6.600 nenos.

Feijóo, que esta tarde recibiu aos nenos saharauís participantes no programa Vacacións en Paz, quixo resaltar e agradecer o esforzo, o traballo e a implicación das familias acolledoras e da asociación Solidariedade Galega co Pobo Saharauí. “Grazas a todas as familias, grazas ás 87 persoas que conforman Sogaps e grazas, tamén, aos nenos e nenas por elixir e confiar en Galicia”, abundou.

Logo de trasladar o recoñecemento ás dificultades do pobo saharauí, o presidente da Xunta concluíu garantindo o compromiso do Goberno galego con esta iniciativa a través das distintas consellerías e de iniciativas como a atención primaria, a atención especializada e as prestacións farmacéuticas a todos os rapaces.

Xunta de Galicia

Xunta de Galicia. Información mantida e publicada na internet pola Xunta de Galicia
Atención á cidadania | Accesibilidade | Aviso legal | Mapa do portal

Turgalicia