Actualidade

BUSCAR...

Limpar
04/11/19 | 13:27
Feijóo enxalza o labor das entidades de atención á discapacidade para seguir xerando oportunidades de cara á plena inclusión

Salienta que APAMP foi pioneira en traballar pola integración social das persoas con parálise cerebral; en integrar aulas específicas en colexios ordinarios e en ofrecer servizos de respiro familiar especializado

31/10/19 | 22:16
Feijóo incide na importancia do traballo conxunto entre administracións e emprendedores para seguir xerando emprego e riqueza

Incide en que a creación de empresas e o desenvolvemento das ideas empresariais precisan dunha contorna marcada pola estabilidade que o facilite

Felicita aos premiados e destaca o labor de asociacións como AJE Pontevedra que recoñecen a responsabilidade social empresarial, a creación de emprego e tamén a innovación

31/10/19 | 15:58
A Xunta avanza na conversión en autovía do corredor Nadela-Sarria para conseguir unha maior seguridade viaria e un menor tempo de conexión

Feijóo prevé a licitación das obras a finais deste ano e iniciar a execución nos primeiros meses do ano 2020

O orzamento para a primeira fase entre A Pobra de San Xiao e Sarria centro será de 24,4 M€

31/10/19 | 15:58
A Xunta de Galicia expón a Axenda cos 25 asuntos máis urxentes e prioritarios que o próximo Goberno de España debe atender nos primeiros meses da seguinte lexislatura

Salienta que a Axenda clarifica, transparenta e publica as necesidades prioritarias da Comunidade para o próximo Goberno central, “ocorra o que ocorra” nas eleccións e quen conforme o Goberno

Sinala que hai decisións a adoptar de forma inmediata; outras que deben formar parte dos próximos Orzamentos do Estado; e tamén temas a abordar con axilidade para evitar que o Executivo estatal aprobe medidas que despois pagan as Comunidades

Enmarca as cuestións en cinco eixos: lograr un financiamento máis xusto; cumprir coas infraestruturas pendentes; defender sectores estratéxicos; traballar para mellorar os servizos públicos; e a colaboración para os vindeiros Anos Santos

Menciona o aboamento completo da débeda de 700 millóns de euros asumida polo Goberno central, así como a solicitude dun novo sistema de financiación autonómica

Refírese con especial atención ao relacionado coa finalización da liña AVE entre Galicia e Madrid, cuxas obras sofren “un atraso incuestionable”

Fai fincapé na situación das industrias electrointensivas, para que se poñan en marcha medidas que favorezan un prezo eléctrico estable, e lembra tamén a urxencia na aprobación dun Estatuto electrointensivo

Destaca a necesidade de que a próxima lexislatura sirva para materializar un Pacto pola Educación e para abordar de forma completa a viabilidade da Sanidade Pública de cara ao futuro

“Os Camiños de Santiago non son só os que discorren pola nosa Comunidade, senón os que vertebran España e tamén Europa”, abunda, no marco da proposta ao Executivo estatal dun plan estratéxico 2021-2032

30/10/19 | 11:17
Feijóo afirma que Galicia seguirá afrontando o futuro con realismo, dicindo a verdade e con estabilidade, claves para xerar un hábitat propicio para a iniciativa empresarial

Asegura que Galicia seguirá innovando nos sectores produtivos tradicionais –como o naval, a automoción, o forestal ou o agroalimentario-, pero tamén nos sectores máis puxantes e pioneiros como o aeroespacial ou a biotecnoloxía

Reitera a necesidade dunha transición enerxética gradual e non abrupta “porque, do contrario, no camiño poden quedarse miles de traballadores e de familias e boa parte da competitividade da nosa economía”, di

Subliña que “nese mundo que vén”, Galicia ten un lugar porque o está a gañar coa súa laboriosidade, creatividade e “porque aposta pola estabilidade”
 

29/10/19 | 22:52
Feijóo incide na importancia do traballo conxunto de profesionais e administracións para afrontar os retos do futuro e manter a equidade, a universalidade e a accesibilidade da Sanidade Pública

Subliña que as comunidades e o Goberno central teñen que afrontar retos como a mellora do sistema informático; a falta de profesionais en atención primaria e en determinadas especialidades, así como a sustentabilidade do sistema

“Espérannos miles de retos e precisamos recursos”, di, lembrando os 1.000 millóns de euros que Galicia destina ao gasto farmacéutico

29/10/19 | 18:50
Feijóo compromete o esforzo da Xunta para seguir destinando recursos á prevención, ao tratamento e á investigación do cancro

Enxalza o labor da AECC, que está presente nos momentos máis complicados da enfermidade

Insiste na mellora da atención a través das vías rápidas para distintos procesos oncolóxicos, das que xa se beneficiaron máis de 76.000 pacientes

Salienta que a Comunidade dispón dos últimos avances farmacolóxicos e recorda que, proximamente, se presentará o Plan oncolóxico
 

29/10/19 | 11:47
Feijóo avoga por un modelo estatal de xestión de estradas marcado tanto pola responsabilidade económica como pola equidade territorial

Asevera que as estradas forman parte fundamental do estado de benestar, de cuxa correcta planificación, execución e conservación dependen a seguridade das persoas, a vertebración do territorio, a competitividade da economía e a calidade de vida dos cidadáns

Lembra que aínda no peor dos contextos económicos, Galicia puxo en servizo 220 novos quilómetros de vías de altas prestacións sen unha soa peaxe

En relación ás estradas de titularidade estatal, remarca a necesidade de finalizar a autovía entre Lugo e Santiago e a autovía entre Lugo e Ourense; e incide na asimetría que representa o crecemento continúo das tarifas da AP-9

28/10/19 | 14:30
Feijóo destaca a puxanza da industria do mar de Galicia reflectida na súa capacidade de internacionalización e de expansión

“Hoxe vendemos máis e vendemos mellor”, di, recordando que o sector supera a barreira da exportación de máis de 2.200 millóns de euros

Salienta que Galicia é a décima exportadora mundial de produtos da pesca, por diante de países coma Xapón ou Islandia, chegando a 121 países de todos os continentes

Incide na necesidade de seguir promovendo pancas que contribúan a tecer eses investimentos, como a seguridade xurídica no eido portuario e o apoio administrativo

Xunta de Galicia

Xunta de Galicia. Información mantida e publicada na internet pola Xunta de Galicia
Atención á cidadania | Accesibilidade | Aviso legal | Mapa do portal

Turgalicia