Actualidade

BUSCAR...

Limpar
24/10/19 | 20:47
Feijóo destaca o novo Museo de Campo e Mecanización como unha homenaxe ao avance do rural cuxo espírito emprendedor fai que ademais de tradición sexa prosperidade e futuro

Resalta que os visitantes atoparán nel un espazo senlleiro e único que os unirá máis co rural e permitiralles coñecer a súa evolución e importancia, ademais de contar cun fondo documental, ideal para preparar teses de doutoramento e estudos

Incide na necesidade de protexer a esencia do rural, a través de museos coma este ou coma o Museo do Viño de Galicia, en Ribadavia; e dos Proxectos senlleiros, impulsados para destacar o patrimonio e a cultura do agro galego

Asevera que, ademais de ser sinónimo da Galicia verde, o rural é hoxe sinónimo da Galicia calidade, atopándose nel grandes oportunidades de futuro como demostra o feito de que, no lácteo, a Comunidade sexa a oitava rexión europea en produción

Salienta a capacidade de internacionalización do sector do viño; e lembra que o sector forestal permite que máis de 80.000 familias galegas ingresen diñeiro pola súa venda

No eido da agricultura ecolóxica recalca que, na última década, multiplicou por 6 o valor económico das súas vendas

24/10/19 | 15:31
A Xunta recoñece ao Consello de Europa como Embaixador do Camiño de Santiago pola súa labor de difusión, promoción e coñecemento da Ruta Xacobea

Destaca que a institución favoreceu o coñecemento e divulgación da ruta, converténdoa en primeiro itinerario Cultural Europeo en 1987 e promocionou os valores xacobeos como unha herdanza común europea

Salienta que cada vez son máis os peregrinos que percorren os distintos Camiños coa previsión de rematar o ano con preto de 350.000 peregrinos
 

24/10/19 | 15:30
Feijóo afirma que é inviable que as obras pendentes do AVE rematen a finais de 2019 e reclama información ao Goberno central sobre os prazos reais

O treito Zamora-Pedralba da liña Galicia-Madrid atrasarase ata ben entrado o 2020 e na conexión Lugo-Ourense non hai ningunha obra en execución que permita cumprir os prazos comprometidos de 2021

Feijóo lembra que a Xunta mantivo unha posición de exixencia no cumprimento dos prazos e lealdade institucional cando houbo dificultades
 

24/10/19 | 15:29
Galicia dá un novo paso na tramitación da Lei de impulso demográfico co amparo do 80% das achegas presentadas por entidades e particulares

Feijóo di que a lei aspira a ser "patrimonio de todos", tendo en conta que entre os cidadáns e 25 organizacións presentáronse un total de 336 alegacións

O documento recollerá o obxectivo de avanzar progresivamente cara á universalización da educación infantil de 0 a 3 anos, un obxectivo no que, traslada, a Xunta espera "contar coa implicación do Goberno central"

"Galicia pode converterse na primeira Comunidade Autónoma en ter unha Lei de impulso demográfico", salienta, e engade que "as políticas demográficas non son optativas, son obrigatorias"

22/10/19 | 20:44
Feijóo enxalza a capacidade da sociedade galega para cambiar e evolucionar dentro da estabilidade

“Galicia é o país dos cambios tranquilos”, di, incidindo en que a sociedade galega se distingue por ser experta en evolucións non traumáticas, que son as que realmente propician o benestar sen causar custos na convivencia

Diante do prognóstico do FMI, que augura unha desaceleración severa, afirma que a política útil ten dous deberes inmediatos que en Galicia procuramos cumprir: dicir a verdade e preparar as condicións para amortecer os seus efectos

22/10/19 | 12:23
A Xunta dará traslado aos partidos nacionais dunha proposta de medidas para garantir un prezo competitivo da enerxía ás industrias electrointensivas como Alcoa

Ante a falla de resposta do Goberno central, que segue sen presentar un Estatuto dos consumidores electrointensivos para garantir un prezo da luz competitivo, incide en que Alcoa non pode competir en igualdade co resto da industria europea

Salienta que o sector do aluminio é clave en Galicia con preto de 4.000 empregos

Refírese a Cortizo como un exemplo da aposta por seguir crecendo en Galicia e pola I+D+i coa creación do seu campus tecnolóxico que creará máis de 300 empregos e afondará na preparación de profesionais

21/10/19 | 21:28
Feijóo afirma que Galicia seguirá impulsando o talento e a formación como base para converter a tecnoloxía nunha oportunidade de futuro

Incide na necesidade de crear as condicións adecuadas para que a tecnoloxía non xere entre os cidadáns incertezas senón futuro
 

21/10/19 | 13:56
Feijóo refírese ás Aulas Newton como a constatación da aposta de Galicia pola innovación e o sector aeronáutico que permitirá a máis de medio millar de alumnos alimentar a súa vocación tecnolóxica

Salienta que este proxecto fomentará un coñecemento científico-técnico que servirá para formar aos futuros profesionais do I+D e da industria de Galicia

Resalta o compromiso de converter Galicia nun referente no sector aeronáutico co Polo aeroespacial de Rozas

Agradece o compromiso de empresas como Boeing e First Scandinavia e administracións que fixeron posible que esta iniciativa se consolidase

Incide na importancia de seguir atraendo empresas punteiras do sector aeronáutico, fomentando vocacións e reforzando o labor dos centros de coñecemento e impulsando unha formación atenta ás necesidades da industria

Xunta de Galicia

Xunta de Galicia. Información mantida e publicada na internet pola Xunta de Galicia
Atención á cidadania | Accesibilidade | Aviso legal | Mapa do portal

Turgalicia