Actualidade

BUSCAR...

Limpar
12/05/20 | 20:07
Feijóo constata o labor fundamental dos profesionais do mar no abastecemento de alimentos de calidade á cidadanía durante a crise do coronavirus

Os profesionais do sector fixeron un importante esforzo para manter o nivel de actividade coa estrita aplicación das medidas de prevención ditadas polas autoridades sanitarias ante a alerta da COVID-19

Permanecer xuntos será necesario para impulsar a demanda e os prezos dos produtos pesqueiros e a rendibilidade da cadea mar-industria de Galicia con iniciativas como a campaña ‘Merca produto fresco do mar. Estamos no mesmo barco’

12/05/20 | 12:41
A Xunta facilita o acceso dos taxistas ás axudas por perda de actividade e apoia a súa reactivación segura coa adquisición de mamparas de protección para todos os profesionais

A Xunta negociará o uso de servizos de taxi para o traslado de médicos e persoal sanitario que presten servizos de asistencia a domicilio

O informe elaborado polo Instituto Galego de Estatística acredita unha caída da actividade do sector do taxi superior ao 77% desde a declaración do estado de alarma, suficiente para solicitar as axudas estatais

O Goberno galego financiará a adquisición de 3.900 mamparas de protección para vehículos de turismo de transporte de pasaxeiros

O presidente da Xunta informa ao sector de que o Ministerio de Transportes atendeu a solicitude de Galicia e permite xa unha maior ocupación de prazas do taxi sempre que os pasaxeiros convivan

Traslada que neste mes de maio estará resolto o 75% das axudas á adquisición de taxis de baixas emisións e adaptados á mobilidade reducida, sumando 138 axudas por importe de 700.000 euros

08/05/20 | 17:30
Galicia contará por primeira vez cun plan específico para a prevención de incendios, dotado con máis de 30 millóns de euros

Feijóo salienta que o plan intervirá sobre case 46.000 hectáreas de xeito conxunto, en preto de 5.800 quilómetros de pistas forestais e outras vías de comunicación e ademais faranse traballos de mantemento en 3.207 puntos de auga

Sinala que as accións executaranse na súa maioría entre o 18 de maio e o 13 de xullo
 

08/05/20 | 17:30
A Xunta aproba o protocolo para garantir a reincorporación dos empregados públicos ao traballo presencial de forma gradual e segura

Este protocolo comezará o 11 de maio coas actuacións preliminares, que se prolongarán durante unha semana e nas que se identificará o persoal con despacho, así como os espazos de traballo compartido nos que se cumpre a distancia de seguridade

O texto tamén detalla tanto as medidas de organización do traballo, como de protección individual e colectiva

08/05/20 | 17:27
Feijóo avanza o Plan de reactivación asistencial da Atención Primaria que optimizará o funcionamento dos centros e garantirá a seguridade dos profesionais e doentes

Afirma que está estruturado en varias fases que se desenvolverán dun xeito progresivo, desde o momento actual ata o mes de xuño

Destaca que cada centro sanitario procurará contar con dous circuítos diferenciados: un destinados aos pacientes covid e outro para o resto de doenzas

Pide a colaboración dos pacientes e agradece o labor do persoal sanitario e non sanitario que traballa nos centros de saúde e nos puntos de atención continuada
 

08/05/20 | 17:25
A Xunta incrementa as axudas para a compra de libros e flexibiliza os límites de renda para acceder ao fondo solidario e aos vales de libros e material para o vindeiro curso 2020-21

Feijóo afirma que a Xunta habilitará unha partida de preto de 20 millóns de euros, o que supón un incremento de case o 63% con respecto aos 12,1 millóns do presente curso

07/05/20 | 14:00
Feijóo destaca a importancia da detección precoz do virus para controlar rebrotes e avanza que Galicia disporá de 400.000 novos test

Afirma que con este novo paquete de test de dobre banda, dos cales 100.000 xa foron entregados ao Sergas, Galicia reforza a súa capacidade de análise

Confirma que xa se completou o varrido con PCR na totalidade das residencias de maiores e de discapacidade da Comunidade

Avanza que Vigo probou con éxito na súa área sanitaria unha nova técnica de ‘pooling’ que pode multiplicar entre 10 e 20 veces a capacidade diagnóstica actual

Propón un sistema de aperturas e peches dinámico e preciso para afrontar os vindeiros meses
 

06/05/20 | 14:06
Galicia desenvolverá unha plataforma tecnolóxica para obter diagnósticos microbiolóxicos fiables de calquera patoloxía infecciosa

O proxecto foi concedido antes da aparición do coronavirus e agora cobra especial relevancia para diagnosticar o COVID-19 e outros patóxenos

04/05/20 | 14:57
O Comité de Expertos Económicos avoga por flexibilizar a xornada laboral e establecer bonificacións nas cotas á Seguridade Social

O presidente da Xunta, Alberto Núñez Feijóo, participou hoxe no encontro, no que tamén se demandou a desvinculación dos ERTE de forza maior do mantemento do estado de alarma e deducións fiscais para incentivar a recuperación do emprego

Tamén se puxo o foco na necesidade de establecer protocolos para a volta á actividade desde o punto de vista da prevención

Neste sentido, a Xunta está publicando guías sectoriais en colaboración coas asociacións empresariais, como é o caso dunha específica para o comercio
 

03/05/20 | 17:17
Feijóo demanda ao Goberno de España claridade, certezas e criterios obxectivables que permitan unha reactivación eficaz e segura

“Non hai protocolos de actuación por sectores, unha estratexia concreta de actuación ante calquera rebrote que se poida producir, nin unha estratexia tecnolóxica, cando a tecnoloxía é clave a partir de agora”, precisa

Advirte o uso desproporcionado que o Goberno central está a facer do estado de alarma, un sistema que debe ser extraordinario, e recorda que no ordenamento xurídico español existen outras normas que permiten actuar

Espera que non se ensaie un novo sistema de financiamento cos 16.000 M€ que o Goberno remitirá ás comunidades como fondos adicionais

Xunta de Galicia

Xunta de Galicia. Información mantida e publicada na internet pola Xunta de Galicia
Atención á cidadania | Accesibilidade | Aviso legal | Mapa do portal

Turgalicia