Actualidade

BUSCAR...

Limpar
13/12/18 | 21:16
Feijóo traslada a confirmación da ministra de Defensa da aprobación no Consello de Ministros de mañá do gasto “por fin” para a construción das F-110

Destaca o investimento de máis de 4.300 millóns de euros e os 7.000 postos de traballo vinculados á construción das F-110

Incide en que o porto exterior contará no horizonte 2021 con acceso ferroviario, que o fará máis competitivo

Salienta que aos 200 millóns para o saneamento da ría hai que sumar outros sete millóns máis para o saneamento da zona da Malata

Resalta a vertente turística da comarca, apostando por proxectos que aínda perduran como a Ruta da Construción Naval, ou apoiando a candidatura de Ferrol a Patrimonio da Humanidade
 

13/12/18 | 15:34
A modificación do regulamento da Lei do solo contribuirá a dinamizar e fixar poboación no rural ao facilitar a construción e rehabilitación de vivendas

Asevera que se establece un novo réxime para as vivendas en solo rústico, facendo un recoñecemento decidido deste como solo produtivo que potenciará os usos económicos sen contradición coa preservación dos valores naturais e culturais

Destaca que se aposta pola rehabilitación das construcións tradicionais existentes en calquera categoría de solo rústico ou en núcleo rural

13/12/18 | 15:29
O Goberno galego incrementa as contías da Risga e establece a posibilidade de compaxinala cos ingresos laborais

Feijóo destaca a creación de dous novos tramos: o tramo de inserción e o de transición ao emprego

Di que este decreto tamén permitirá compatibilizar a Risga con outras axudas de inclusión extraordinarias converténdose nunha auténtica ponte cara á vida laboral, na liña das recomendacións que fai a Comisión Europea

Salienta que este texto é froito do consenso, pois recolle as achegas das entidades sociais que traballan no eido da inclusión
 

13/12/18 | 15:19
Feijóo salienta que a oferta de emprego público da Administración Xeral da Xunta para 2018 se incrementa ata as 2.225 prazas, o triplo que en 2017

Precisa que este será o primeiro proceso global de funcionarización que desenvolve a Administración galega en toda a súa historia

A reserva de prazas para persoas con discapacidade nesta oferta de emprego público acada o 9,37%

12/12/18 | 14:18
Feijóo erixe as comunidades galegas nun exemplo de convivencia e destaca a nova liña de axudas para retornados con fillos menores de idade

“E estamos traballando na incorporación dos galegos retornados como beneficiarios do Programa de vivendas baleiras do Instituto Galego de Vivenda e Solo”, avanza

Precisa que as axudas para retornados con fillos menores, incluídas na Estratexia Retorna 2020, contan cun orzamento de 1,2 millóns de euros

Refírese tamén ás Bolsas Excelencia Mocidade Exterior, que aumentarán o seu número de prazas nun 50% para fixalas en 150

Subliña que as Axudas ao retornado emprendedor volveron aumentar a súa demanda ata esgotar os fondos previstos, para apoiar os retornados que desexan poñer en marcha un negocio en Galicia

Subliña que os galegos de Venezuela e Cuba volverán contar neste exercicio cunha partida especialmente reservada para axudar a cubrir as súas necesidades básicas

Reivindica o traballo dos emigrantes e das comunidades que formaron: “Sodes un exemplo de convivencia que hoxe, máis que nunca, é preciso reivindicar”, di

11/12/18 | 21:59
Feijóo enxalza a “vía galega” que, inspirada nos valores do Camiño de Santiago, non levanta muros senón que tende pontes e non enfronta os galegos senón que os une máis

Asevera que nesa vía, os galegos afincados no exterior, tiveron un papel protagonista, xa que nesas entidades se fraguou un galeguismo de todos e para todos antes de que se fixese real

Subliña que calquera día do ano na praza do Obradoiro se desmente a idea de que as diferentes culturas, linguas e crenzas non poden convivir

Di que Galicia é hoxe máis galega ao ser tamén española e europea
 

11/12/18 | 14:27
Feijóo destaca que os máis de 3,6 millóns de peregrinos que desde 1993 ata hoxe chegaron a Santiago non viaxaron ao pasado senón “a un futuro capaz de integrar épocas, culturas e vivencias“

Apela á responsabilidade de acrecentar o valor dun Camiño que discorre por distintas rutas e transcorre por máis de 100 concellos, cun programa de rehabilitación, restauración e valorización dos bens de interese cultural afectados

Establece como obxectivo de todos proxectar, aínda con máis forza, tanto o que Galicia é, como o que Galicia representa

Subliña que a Comunidade ten unha presenza moi destacable na selecta lista do Patrimonio Mundial

Refírese á celebración dos 25 anos da Declaración do Camiño Francés en España como unha dobre homenaxe a Galicia, como gardiá do primeiro europeísmo e dun primitivo sentimento democrático

Avoga por vigorizar e reforzar os camiños, porque “cando son os camiños os que marcan a pauta, os pobos encóntranse, fórmanse nacións solidarias e os estados asócianse”

10/12/18 | 14:16
Máis de 513.000 galegos vacináronse xa contra a gripe, 3.700 máis que na mesma data do ano pasado

Cómpre recordar que a vacina é a mellor forma para protexerse fronte á gripe e evitar as complicacións asociadas a ela

Os galegos que aínda non se vacinaron poden facelo ata finais de decembro, data na que remata a campaña, nos 900 puntos de vacinación repartidos por toda Galicia

Por primeira vez, ofertouse ao persoal sanitario a oportunidade de vacinarse desde o día 15 de outubro, oito días antes do inicio da campaña, co obxectivo de que puidesen afrontala xa protexidos

05/12/18 | 19:48
Feijóo reitera o compromiso “co mellor ano santo da nosa historia” e destaca a posta en marcha do novo albergue no centro da cidade de Ourense

Salienta que con esta infraestrutura Ourense recupera un edificio en desuso que, nunha localización estratéxica, permitirá ao peregrino gozar da cidade durante a súa estadía

Lembra que a rede de albergues do Camiño a conformarán 70 establecementos repartidos polos distintos itinerarios oficiais

Salienta que a Vía da Prata foi obxecto de melloras nos últimos ano e destaca o investimento de preto de 3 millóns de euros en 2019 para mellorar, acondicionar e sinalizar esta ruta

Garante o compromiso cos proxectos culturais e turísticos da cidade, como: a restauración da Igrexa da Santísima Trinidade, en 2019; ou o convenio co Concello para a segunda fase de melloras na contorna da Ponte Vella

Xunta de Galicia

Xunta de Galicia. Información mantida e publicada na internet pola Xunta de Galicia
Atención á cidadania | Accesibilidade | Aviso legal | Mapa do portal

Turgalicia